Հույսերեն (հեղինակային նորաբանություն)

Չգիտեմ…մեկ – մեկ թվում է, թե այն, ինչ ցանկանում եմ հասցնել քեզ, իմ սիրելի՛ ընթերցող, աշխարհի և ոչ մի լեզու չի կարող անել, չի կարող լինել անկեղծ ու մաքուր, ինչպես օրինակ քամին է մեղմ օրորում շուրջս, շոյում ամենն, ինչի միջով անցնում է, կամ էլ ընդհակառակը` ըմբոստացած ու լի դառնությամբ, անխնա սարսուռ ուղարկում իր` ժամանակին շոյած շրջակայքին: Անշուշտ շատ անկեղծ է այն, որ շոյելիս մեղմ է, բարի, իսկ հարվածելիս չի թաքցնում իր էությունը, վերաբերմունքը. լինում է այնքան դաժան, ինչքան մեղմ է եղել: Հանդարտվելուց հետո էլ ետդարձի ճամփան խարխուլ է և անդառնալի, որովհետև այն ծաղիկները, որոնց այտերին իր տաք ու մեղմ համբույրներն էր ընծայում ու որպես դրոշմակնիք թողնում՝ արդեն կախել են իրենց գլխիկները, աչուկներն են փակել, իսկ երկինքը, որ խլել է նրանց արցունքները երջանկության ու հավերժ թվացող ջերմության պահին ետ է դարձնում, ինչքա՜ն արցունքներ, հետևաբար ինչքա՜ն ցավ կար նրանց մեջ, ինչքա՜ն հույսով լի հառաչանք: Եվ ինչքա՜ն ժամանակ է պետք, որ աչուկները նորից բացվեն, գլխիկները նորից բարձրանան և առանց վախի նայեն երկնքին…իսկ արդյո՞ք ժամանակը կօգնի:

Իմ ընթերցողը, հավանաբար, ուշադիր է եղել և նկատել է, որ ետդարձի ճամփան “անդառնալի” անվանմամբ ենք կնքել, բայց հույսը, որ ժամանակի հետ հավասար է քայլում, հավատում է անհնարինին` հակասելով անհնարինության գաղափարին:

Մի մեղմ քամի սահեց այն թղթերի միջով, որոնց վրա գրիչս իր հետքն է թողնում. մեղմ էր այն, հույս էր տալիս, միշտ էլ հույս կա…ելք...Եվ ես հասկանում եմ, որ ամենապարզը անկեղծ ու ըմբռնող լեզուն է` բնության լեզվին միախառնված: Կապ չունի, թե ինչպիսի մասնիկներ են կերտում տողերը` կարևորը դրանք ծնվում են սրտում, հոգու խորքից վազում դեպի մատները և հույսով լեցուն բառերով կրկին բարձրացնում գլխիկները, բացում աչուկները:

Comments

Hope Springs Eternal

It’s winter again; frozen and white December outside and predestined draughts inside. Snowflakes are falling, resembling musical notes, as if someone is playing the piano’s black and whites, eventually leading to coda time. The snow covers all the worries left on the ground and imprisons them for a while. Its snow-white presence makes one turn a blind eye to all concerns. It resembles a matrimony where couples promise to stick together through thick and thin. Deep down, one knows a day might come when the snow will eventually melt and disappear. Would it be able to take away all the worries, though? Wasn't it just a temporary shelter for them? It seems you were relying on the snow with the hope to forget. Being outside, you will walk and get stuck in the snow like a 7-year-old schoolchild trying to find their way home. You will build a snowman and watch how it endures the passage of...

Հոսանքից անտեղյակ

Նավը լողում է ջրի վրայով, իսկ դու լողալ չգիտես... Լողալ չկարողանալու փաստը մշտական վախի մեջ է պահում։ Նույնիսկ կապույտ երկինքը, և ջրում դրա հայելային անդրադարձը չեն կարող ցրել վախերն ու անհանգստությունները, որոնք ապաստան են գտել քո մեջ. դրանք արմատավորվել են և ձգվում են մինչև հոգուդ խորքը։ Անծայրածիր օվկիանոսում նավը լողում է առանց փրկօղակների, կանգառներ ևս չկան, իսկ դու հոսանքից անտեղյակ մեկն ես, որը չգիտի ինչի սպասել։ Այսօրվա լուրթ երկինքը վաղը կարող է չլինել, լինելու պարագայում էլ` ոչ քո աչքերի արտացոլանքում։ Կգա մի պահ, երբ գույները, որոնք կտարբերակես միայն երկուսը կլինեն։ Այդ սև ու սպիտակների մեջ դու կկորչես` մտածելով, որ ոչ թե ջրի վրա ես, այլ`ջրի մեջ։ Քեզ կթվա, թե խորտակվում ես, և հոսանքն էլ արդեն դեպի հատակն է ձգում․․․ոչ պակաս անպարագիծ հատակը։ Ջրի և երկնքի երբեմնի կապույտը քո հույսերը կթվան, բայց դրանք էլ` քո ջրում հայտվելուն պես, կխորտակվեն ու կիջնեն ներքև։ Կհիշես, թե ինչ կար վերևում։ ...

Կյանքը՝ կինո, կինոն՝ երազանք

Եթե կյանքը լիներ կինո, կկարողանայինք մոնտաժել չստացված թվացող ու անցանկալի կադրերը և թաքցնել… Կհուսայինք, որ կյանքը մեկը չէ, և ամեն դրվագի համար կարող ենք բազմահազար կադրեր նկարել։ Եթե կարողանայինք դժվարին շրջանները ներկայացնել րոպեներով, ապա ցույց տայինք, թե ինչ իրավիճակ է մեկ տարի կամ ամիսներ անց, արդյոք ամեն բան մեզ համար ավելի հե՞շտ կթվար։ Բայց կյանքը ամենաբարդ կինոն է, որն իր մեջ ներառում է հնարավոր բոլոր ժանրերը, այդ իսկ պատճառով էլ՝ հնար չէ կռահել դեպքերի ընթացքը։ Օրինակ, եթե ֆիլմ լիներ, այն կսկսվեր հետևյալ դրվագով. «Իմ վարդագույն խոզանակով մաքրում եմ ատամներս ու մտածում, մտովի հանրագումարի եմ բերում օրը՝ գրքի էջերի պես դրվագները իրար ետևից թերթելով։ Հիշում եմ հանդիպած անծանոթ դեմքերը, օրվա ընթացքում պատահած իրադարձությունները, այս կամ այն բանի համար թափած ապարդյուն ջանքերը, անհանգստություններն ու փոքրիկ նվաճումները։ Նայում եմ շուրջբոլորս, ու ամեն բան սպիտակի և վարդագույնի սահմաններում է։ Ամեն բան իմ շրջակայքում վարդագույն է՝ շատ նուրբ ու սիրուն։ Միայն մի բան չունեմ՝ վարդագույն ...

ՆաՆե

Search This Blog