Ազատություն

Կյանքը շուկայաբանություն է, մարքեթինգ: Մենք փոխանակում ենք ամենը, որ վաստակենք ոչինչ, կամ կրճատում ենք պահանջարկը` առաջարկի տեսության ավելի արդյունավետ պատկեր ստանալու համար: Շատ հետարքիր է. շարժվելով տնտեսագիտության քառուղով` հասկանում ենք, որ մեր վերաբերմունքը, մեր մենեջմենթային քաղքականությունը կամ էլ շուկայական հարաբերություններին տիրապետելու մեր շնորհը դառնում են մեր իսկ հաջողության առհավատչյաները, և տալիս են այն`ինչ ուզում ենք. քայլեր ոչնչի համար, քայլեր` ամենից ոչինչ:

Այդպիսին է նաև ազատության ձգտումը: Եվ շատ հաճախ կյանքի մանր ու մեծածախ դրվագներում սկսում ենք հասկանալ, թե ինչ է ազատությունը և ինչքանով է տարբերվում մեր պատկերացրածից, ավելին` նման է արդյո՞ք: Մի բան պարզ է, որ ազատության ձգտումն է, որ միակ ուղենիշն է դառնում արդեն չափից ավելի քամված ու հոգնած մարդկանց համար: Ես կարող եմ ուժասպառ եղած լինել ուսումնական չափազանց երկար եռուզեռից, մեկը` աշխատանքային, մյուսը ` պարապության: Կարող ենք մտածել, որ ազատ ենք` ուրեմն ազատությամ մեջ ենք, բայց այդպես չէ: Գուցե բան չունենք անելու, բայց մի՞թե դա է ազատությունը: Կարծում եմ` ոչ: Մենք ազատ ենք, երբ երկար ու տքնաջան աշխատանք ենք տարել այն ձեռք բերելու համար, սա մարդկային մարքեթինգ է, երբ ամենն ինչ կար, արդեն արել ենք, և ոչինչն է մնացել վայելելու, այ այդ ոչինչն էլ ազատությունն է. գաղափար, որը մենք վաստակում ենք ազատությունից զրկված լինելու պատճառով: Կատարում ենք բազմաթիվ հաշվարկներ, անընդհատ վերլուծելով դրանց արդյունավետությունը, որ հասնենք ազատության` ոչինչ չանելու, գուցե շատ ենք հոգնել հաշվարկներից և ուզում ենք չմտածել, վայելել ոչինչ չանելու բերկրանքը, որովհետև մինչ այս արել ենք շատ բան: Այո՛: Դե ուրեմն վայելենք ազատությունը, որովհետև այն շատ թանկ արժե և շատ շուտով լքելու է իրեն ձգտած էակներիս:

Comments

Hope Springs Eternal

It’s winter again; frozen and white December outside and predestined draughts inside. Snowflakes are falling, resembling musical notes, as if someone is playing the piano’s black and whites, eventually leading to coda time. The snow covers all the worries left on the ground and imprisons them for a while. Its snow-white presence makes one turn a blind eye to all concerns. It resembles a matrimony where couples promise to stick together through thick and thin. Deep down, one knows a day might come when the snow will eventually melt and disappear. Would it be able to take away all the worries, though? Wasn't it just a temporary shelter for them? It seems you were relying on the snow with the hope to forget. Being outside, you will walk and get stuck in the snow like a 7-year-old schoolchild trying to find their way home. You will build a snowman and watch how it endures the passage of...

Հոսանքից անտեղյակ

Նավը լողում է ջրի վրայով, իսկ դու լողալ չգիտես... Լողալ չկարողանալու փաստը մշտական վախի մեջ է պահում։ Նույնիսկ կապույտ երկինքը, և ջրում դրա հայելային անդրադարձը չեն կարող ցրել վախերն ու անհանգստությունները, որոնք ապաստան են գտել քո մեջ. դրանք արմատավորվել են և ձգվում են մինչև հոգուդ խորքը։ Անծայրածիր օվկիանոսում նավը լողում է առանց փրկօղակների, կանգառներ ևս չկան, իսկ դու հոսանքից անտեղյակ մեկն ես, որը չգիտի ինչի սպասել։ Այսօրվա լուրթ երկինքը վաղը կարող է չլինել, լինելու պարագայում էլ` ոչ քո աչքերի արտացոլանքում։ Կգա մի պահ, երբ գույները, որոնք կտարբերակես միայն երկուսը կլինեն։ Այդ սև ու սպիտակների մեջ դու կկորչես` մտածելով, որ ոչ թե ջրի վրա ես, այլ`ջրի մեջ։ Քեզ կթվա, թե խորտակվում ես, և հոսանքն էլ արդեն դեպի հատակն է ձգում․․․ոչ պակաս անպարագիծ հատակը։ Ջրի և երկնքի երբեմնի կապույտը քո հույսերը կթվան, բայց դրանք էլ` քո ջրում հայտվելուն պես, կխորտակվեն ու կիջնեն ներքև։ Կհիշես, թե ինչ կար վերևում։ ...

Կյանքը՝ կինո, կինոն՝ երազանք

Եթե կյանքը լիներ կինո, կկարողանայինք մոնտաժել չստացված թվացող ու անցանկալի կադրերը և թաքցնել… Կհուսայինք, որ կյանքը մեկը չէ, և ամեն դրվագի համար կարող ենք բազմահազար կադրեր նկարել։ Եթե կարողանայինք դժվարին շրջանները ներկայացնել րոպեներով, ապա ցույց տայինք, թե ինչ իրավիճակ է մեկ տարի կամ ամիսներ անց, արդյոք ամեն բան մեզ համար ավելի հե՞շտ կթվար։ Բայց կյանքը ամենաբարդ կինոն է, որն իր մեջ ներառում է հնարավոր բոլոր ժանրերը, այդ իսկ պատճառով էլ՝ հնար չէ կռահել դեպքերի ընթացքը։ Օրինակ, եթե ֆիլմ լիներ, այն կսկսվեր հետևյալ դրվագով. «Իմ վարդագույն խոզանակով մաքրում եմ ատամներս ու մտածում, մտովի հանրագումարի եմ բերում օրը՝ գրքի էջերի պես դրվագները իրար ետևից թերթելով։ Հիշում եմ հանդիպած անծանոթ դեմքերը, օրվա ընթացքում պատահած իրադարձությունները, այս կամ այն բանի համար թափած ապարդյուն ջանքերը, անհանգստություններն ու փոքրիկ նվաճումները։ Նայում եմ շուրջբոլորս, ու ամեն բան սպիտակի և վարդագույնի սահմաններում է։ Ամեն բան իմ շրջակայքում վարդագույն է՝ շատ նուրբ ու սիրուն։ Միայն մի բան չունեմ՝ վարդագույն ...

ՆաՆե

Search This Blog